«JYR-JAÝHAR»

Jýyrda Elbasynyń «Rýhanı jańǵyrý» maqalasy aıasynda Almaty oblysynyń tilderdi damytý jónindegi basqarmasynyń uıymdastyrýymen Taldyqorǵan qalasyndaǵy «Oqýshylar saraıynda» oblystyq «Jyr – jaýhar» baıqaýy ótti.

Onda qazaq halqynyń mazmuny baı da salaly epostyq dastandarynyń biri – «Qobylandy batyr» jyrynyń Marabaı nusqasyn tolyq, jatqa aıtý boıynsha Almaty oblysynyń barlyq aýdan, qalalarynan 51 oqýshy qatysty.
Baıqaýǵa oqytý tiline qaramastan, memlekettik jáne mem­­lekettik emes jalpy orta bilim beretin mektepterdiń, lıseı­lerdiń, gımnazıalardyń jáne jalpy bilim beretin uıym­dardyń 6-11 synyp oqýshylaryna qatysýǵa múmkindik berildi.
Baıqaýda baq synaǵan úmitkerlerdiń oqý máneri men akterlik sheberligine de úlken mán berildi. Nátıjesinde İİİ dárejeli dıplomdarymen Baljan Berikjanqyzy (İle aýdany), Jansaıa Aýtalıpova (Panfılov aýdany), Arýjan Chapaı (Eńbekshiqazaq aýdany) marapattalsa, İİ dárejeli dıplomdarymen Jiger Jaıyrbaı (Alakól aýdany), Juldyz Hamza (Balqash aýdany) marapattaldy. Al Kegen aýdanynan kelgen Merýert Allajar İ dárejeli dıplomǵa ıe bolsa, «Qobylandy batyr» jyrynyń Marabaı jyraý nusqasyn múdirmeı jatqa aıtqan, İle aýdanynan kelgen oqýshy Erasyl Tólegenov bas júldeni qanjyǵasyna baılady.
Sol sıaqty, yntalandyrý syılyǵy, talpynys nomınasıasy boıynsha aqshalaı sertıfıkattarmen 8 úmitker, jáne baıqaýǵa qatysqan barlyq oqýshy basqarmanyń Alǵys hatymen marapattaldy.

Áıgerim IEBEKOVA,
Almaty oblysynyń
tilderdi damytý jónindegi
basqarmasynyń baspasóz hatshysy

Оқи отырыңыз... Авторлық мақалалар

Пікір қалдыру

Сіздің E-mail-ңыз жарияланбайды.