- Әдебиет
- 29 Қараша, 2012
Көшбасшы дәл өзіңдей керек еді
Елді бастап Алланың ақ жолымен,
Асуларды алынбас сен алып ең.
Көргенде өзің салған Астананы,
Сүйсініп еңбегіңе таңғалып ем.
Бабаларым аңсаған еркіндікті,
Қазағым Азаттықты көп күн күтті.
«Сол қазақтың баласы менмін» деген,
Әлемге мақтанышты үнің жетті.
Бүгінде елім көркем көрінеді,
Жүректен өрнекті өлең өріледі.
Елім аман болған соң, жерім аман,
Шырқалып ән мен күйім төгіледі.
Бейбітшілік салтанат құрған бүгін,
Арналады Еріме асыл жырым.
«Ерімнің арқасында ел көгереді»,
Десем, сірә, артық сөз болмас мұным.
Жас ұрпаққа көрсеттің өнегені,
Өзіңдей Елбасына сенеді елі.
Елімнің «жүзі» жарқын болу үшін,
Көшбасшы дәл өзіңдей керек еді.
Көк туым желбіреген аспанымда,
Арқау болған Елбасы дастаныма.
Мақтаныш етем елдің Азаматын,
Жырыма ақтарылған қосқаныма.
Шаттыққа, қуанышқа көңіл толсын,
Бұл өзі арман еткен заман болсын.
Мендегі жалғыз тілек жүрекжарды:
Елім де, Елбасым да аман болсын.
Бағдат Ағыбетов
3915 рет
көрсетілді0
пікір
