Ана тіліміз бен қазақ ұғымы егіз

Дулат ИСАБЕКОВ, жазушы, драматург, Қазақстан Республикасы Мемлекеттік сыйлығының иегері

«Ана тілі» газеті тәуелсіздік таңы атар алдында дүниеге келген, бүгінде 23-ке толған еліміздегі бірегей басылымдардың бірі. Міне, сол уақыттан бері бұл газет қолымыздан түскен емес. Бұл басылым өзінің бүкіл жан дүниесімен, жан сезімімен қазақ ұлтының қадір-қасиетін, арман-тілегін әйгілеуші, қорғаушысы десеңіз де болады. Ол бүгінде жүрегінің әр лүпілі ұлтым, қазағым сенің шынайы нағыз тәуелсіздігің үшін қарсы алдымнан небір қарадауыл соқса да қарсы тұра аламын деп оттай лаулап тұрған 23 жасқа толған жігерлі жігіт сияқты дер едім.
Әлемдегі ең бай тілдің бірі екенін небір ғұлама ғалымдар мен тіл мамандары мойындаған қазақ тілінің бүгінгі ахуалы, ертеңгі тағдыры туралы айтылып жатқан батыл да тиянақты пікірлерді оқимын. Оқыған сайын әлі де болса өз елінде өзге тіл­дің тасасынан шыға алмай, жасқаншақтап тұрған тіліміз көз алдыма елестегенде жүрегім езіліп кете жаздайды. Бірақ «үмітсіз шайтан» деп ата-бабамыз айтқандай, тіліміздің кө­се­ге­сін көгертетін күн де келер-ау деп үміттің жібін ұзарта түскім келеді. Мектеп оқушыларынан бастап, барша қазақ зиялылары, ғалымдары, әсіресе, билік орын­дарындағы шенеуніктерге дейін «Ана тілі» газетін тұ­рақты оқуы тілімізге, ұлтымызға деген сүйіспеншілігі мен құрмет белгісі деуге әбден болады. Ал жоғарғы жақтағы кей­біреулердің жалпы қазақ газеттеріне мұрнын шүйіре қарауы қазақтықтан безіну екенін ұғыну деп білемін. Сондықтан «Ана тілі» газетіне жазылып, үзбей оқиық, ағайын!

Оқи отырыңыз... Авторлық мақалалар

3 Пікір

  1. Қанат Төребаев

    Сөзд!к қоры жағынан әлем т!лдер!н!ң ең бай шұрайлы т!лдер!не жататын қазақ т!л!н!ң қадырын анау мынау емес атақты жалдары т!к!рейген ақын жазушылар Халықаралық журналистика академиясының толық мүшелер! депудаттардыңөздер! кет!руде Сенбесең!з радио теледидарлардан қазақ т!л!нде жүрг!з!лет!н ток шоуларды сұхбаттарды ест!п көр!п тамашалаңыздар Ток шоу сұхбатты жүрг!зуш! диктор журналистер де ол шоуларға қатысушылар да б!р!н!ң аузына б!р! түк!р!п қойғандай ек! сөзд!ң б!р!нде ЖАҢАҒЫ ЖАҢАҒЫ деп бер!лген уақыттың көб!н босқа кет!ред! Ондай хабарлардың пайдасынан зияны көп Сондықтан ондай зиянды жобаларды эфирге ж!бермеу керек

  2. САНАТ Қонарбаев Тараз

    Өзін жоғалтқан өзге болып оңбайды.Сондықтан ойланайық ағайындар.Біз қанша жерден орысша таза сөйлесек те бәрібір орыс бола алмаймыз.өйткені жанымыз Қазақ,қанымыз қазақ. Орыс болып кеткен күннің өзінде де Орыстарға бес тиынға да керегіміз жоқ Осыны түсінетін кез жетті қандастар!

  3. Ардақ

    Әр халықтың өзінің жақсылы-жаманды мінезі болады.Ұлы Абай өз халқының мінезіндегі кемшіліктерін көрсеткенде,ол мінездің зияндығын, одан қалай құтылу керектігін сөз етеді емес пе? Біз де, әрине қазақ екенімізді мақтан тұтамыз, бірақ дәл қазіргі-ана тілімізді қызғыштай қорғап, оның өсіп-өркендеуіне шама-шарқымыз келгенше үлесіміздіқосатын уақыт келген кезде, талай-талай қарын ашыратын мәселелер көз алдыңда туындап жатады.Мысалы, біз бір ұжымда 14 оқытушы жұмыс істейміз, оның 2-уі өзге ұлт өкілінен.Соларға түсінікті болу үшін, біз ара-тұра емес,көбінесе, тіпті, үнемі деуге болады, бір-бірімізбен орысша сөйлесеміз.Бұл жерде, жасы үлкендер де бар, жастар да бар.Жасы үлкендерге (қазақ ұлтты) бұнымыз ұят, бір-бірімізбен өз тілімізде сөйлесейік, ана кісілердің де құлағына салып қояйық, мемлекеттік тілді үйренуіне септігімізді тигізейік десеңіз, бізге осылай жеңіл, үйреніп кеткенбіз дейді.Сонда аға буынымыз өскелең ұрпаққа өнеге беру орнына басын қатырмай өзіне жеңілдеу жағына жүгіре берсе… міне, осындайдан менің қарным ашады.Жиналысқа 30 адам қатысса, оның үшеуі өзге ұлт өкілі болса,жиналыс орысша жүргізіледі, хаттама орыс тілінде жүргізіледі. Құжаттаманың қазақ тілінде жүргізілуін ешкім қадағаламайды тексермейді. Енді қалай қарным ашпайды? Ұлиды…Барлығымыз осы мәселені күнделікті көтеріп отыруымыз қажет… Бұл біздің Ар-ұятымыз!Намысымыз!

Пікір қалдыру

Сіздің E-mail-ңыз жарияланбайды.