- Ақпарат
- 10 Қараша, 2010
Тәуелсіз елдің валютасы
Әрбір егемен мемлекеттің өзіндік нышандары болады. Оған Ту, Елтаңба, Әнұран және ұлттық валюта жатады. Осыдан он жеті жыл бұрын, яғни 1993 жылдың 15 қарашасында Қазақстан Республикасы Президентінің Жарлығымен ұлттық валюта – Теңге енгізілді. Міне, сол күннен бастап әр жылдың 15 қарашасы төл теңгеміздің күні ретінде аталып өтіліп жүр.Теңге айналым құралы болып табылады. Яғни тауарлар мен қызметтерді сатып алу мен қайта сатуда пайдаланылады. Теңге айырбас құралы ретінде қоғамды баспа-бас айырбастың қолайсыздығынан құтқарады. Теңгенің арқасында біз әлемнің көптеген елдерінен тауар ала аламыз. Теңге бағаның өлшемі болып табылады. Яғни ақшамен жалпы ұлттық өнім мөлшері және басқа да экономикалық көрсеткіштер, барлық төлемдер мен қарыз, несие міндеттемелері өлшенеді. Теңге салым құралы ретінде қызмет етеді. Ақша тауар ретінде пайдалануға әлдеқайда қолайлы, ол арқылы байлықты салым ретінде сақтау ұтымды. Бұл тұрғыдан алғанда ол қозғалмайтын мүліктер және бағалы қағаздармен қатар байлықты молайту құралы болып табылады. Тәуелсіз еліміздің экономикасын тұрақтандыруда, экономикалық өсу мен экономикалық қаржылық тәуелсіздігімізді қамтамасыз етуде ұлттық валюта – Теңгенің рөлі айтарлықтай.
3137 рет
көрсетілді0
пікір