- Руханият
- 10 Қараша, 2010
Құрбан айт құтты болсын!
Шамалы күннен кейін ұлық мерекеміз – Құрбан айт табалдырықтан аттайды. Қазақта мереке көп. Солардың бірі – Құрбан айт. Құрбан айт ежелден қазақтың қанына сіңіп, ана сүтімен баланың бойына дарып келеді. Құрбан айтында атам қазақ Ұлы Жаратушы үшін мал сойып, құрбан шалған. Құрбан шалудың маңызы зор. Мұнда Тәңірдің бұйрығын орындауда оған деген терең мойынсыну бар. Сонымен бірге адам бүкіл қазына-байлықтың барлығы бір Алланікі екенін ісімен дәлелдеп, ниет білдіреді. Тағы бір ерекшелік, ауқатты жан құрбан шалып, оны жағдайы нашарларға тарату арқылы әркімнің бойында адамдық қасиет пен өзара жәрдемдесу рухын оятады. Біздің ұлтымызда иман бар. Қазақ Исламды қабылдаған кезеңнен-ақ Құрбан айтты өзінің ұлттық салт-дәстүрлерімен ұштастырып келеді. Сөйтіп, айтты сыйластық пен бауырмалдықтың көрініс табатын мерекесіне айналдырды. Адамдық негізі – иманда екендігіне ешкім де шек келтіре алмас. Имандылық қасиеттерімізді берік ұстанған жағдайда береке-бірліктің де нығая түсеріне кәміл сенеміз. Құрбан айт құтты болсын, ағайын!Нұркен Жандәулетұлы
3210 рет
көрсетілді0
пікір