• Ақпарат
• 20 Наурыз, 2024

«Ана тілінің» жүлдесі

Құрметті оқырман! Наурыз мерекесіне орай әрі дәл 22 наурызда газетіміздің жарық көрген күнінің құрметіне «Ана тілі» газеті бәйге жариялаған еді. 8 ақпаннан сол бәйгеге қатысқан оқырман хаттары әр нөмірге үзбей берілді. Редакция алқасы ең жақсы әрі ерекше наурыз бата берген оқырманға берілетін «Ең үздік наурыз бата» жүлдесіне Қостанай қаласындағы оқырманымыз Сұлтанбек Байдрахман лайық деп тапты. Ал ең жақсы әрі ерекше наурыз көженің әзірлеу тәсілін жазып жіберген Шымкент қаласының тұрғыны, көпбалалы ана Бегайым Боранова «Ең үздік наурыз көже» аталымы бойынша жүлделі болды. Екі жүлдегерге де редакция тарапынан арнаулы сыйлық тапсырамыз және «Ана тілі» газетінің 2024 жылғы мамыр-желтоқсан айларына газетімізге жаздырып береміз. Ол үшін редакцияның электронды поштасына (anatiliultgazeti@gmail.com) толық мекенжайын жазып жіберсе деген өтініш бар.