• Ақпарат
• 25 Сәуір, 2024

«СӨЗ ЗЕРГЕРІ – ЗЕЙНОЛЛА СӘНІК»

Әл-Фараби атындағы Қазақ Ұлттық университетінің Журналистика факультетінде Баспагерлік, редакторлық және дизайнерлік өнер кафед­расының ұйымдастыруымен жазушы, фольклоршы, баспагер, этнограф, аудармашы Зейнолла Сәніктің шығармашылық мұрасын, сондай-ақ баспа ісіндегі  өзекті мәселелерді зерттеу мен талдауға, талқылауға арналған «Қазақстандағы баспа ісі және Зейнолла Сәніктің баспагерлік, редакторлық қыры» атты рес­публикалық ғылыми-тәжірибелік конференция өтті. 

Жиында баспа ісінің қазіргі замандағы дамуы, Қазақстандағы электронды кітап нарығы: ізденістер мен іркілістер, Зейнолла Сәніктің шығармашылық  мұрасы, баспагерлік қыры, редакторлық шеберлігі сөз болды. Конференцияға зия­лы қауым өкілдері, белгілі қаламгерлер, Зейнолла Сәніктің отбасы, әріптестері, шәкірттері, журналистика факультетінің оқытушы-профессорлары, белгілі баспагерлер, дизайнерлер, студенттер мен магистранттар, докторанттар қатысты.
Конференция барысында Зейнолла Сәнік атындағы «Баспагерлік – редакторлық орталық» ашылды. Оған қоса «Үздік баспасөз жарияланымы», «Үздік ғылыми жұмыс», «Дизайн өнерінің үздік туындысы» аталымы бойынша студенттер арасында ұйымдастырылған байқау қорытындысы шығып, «Зейнолла Сәнік атындағы мәдениет қорының» демеушілігімен байқау жүлдегерлеріне арнайы шәкіртақы тағайындалды.