- Ақпарат
- 20 Қаңтар, 2012
Айман Мұсаходжаева: Немерем орысша түсінбейді...
Елімізде «Айман Мұсаходжаева» деген есімді білмейтіндер аз. Әйгілі скрипкашы Айман – Қазақстанның халық артисі әрі «Әлем артисі» (ЮНЕСКО, 1998 ж.) деген атақтың иегері. Сонымен қатар Халықаралық шығармашылық академиясының академигі. Бүгінде Астанадағы Қазақтың ұлттық өнер университетінің ректоры Айман Қожабекқызы – «Өзімізден бастайық» айдарының кезекті кейіпкері. – Айман Қожабекқызы, бізге екі минутыңызды қия аласыз ба? Бірер сауалымыз бар еді... – Иа, қия аламын. – Отандық қазақтілді басылымдарды оқып тұрасыз ба? – Мен «Айқын» оқып тұрамын... Тағы да «Қазақ әдебиеті»... – Қазақтың қандай салт-дәстүрін ұстанасыз? – Мен жұма-жұмаға дейін мешітке барып, жеті шелпек істеймін. Оларды үлестіріп... Тағы да ас берем көп жағдай болса. Сосын бізде интернат бар. Онда көп балалар бар. Ол жерде бізде 60 жетім бала бар. Соларға да Құрбан айтта құрбан шалып, тамақ беремін. Үш-төрт жыл болды, Қызылту деген ауылда «Қожабек ата» мешітін саламыз күйеуіміз екеуміз. Оған менің папам аты беріледі. Сонда да біз ас береміз халықты шақырып. – Ал перзенттеріңіз қай жерде оқиды? – Менде бір перзент бар. Қазір КИМЕП-ті бітірді... Бұрын скрипкада ойнаған. Өнер академиясында. Сосын оныншы жасқа кеп айтады. «Мама, мен сендей бола алмаймын. Сенде – үлкен талант, менде ондай талант жоқ. Мен папам сияқты экономист боламын», – деді маған. Қазір Лондонда магистратурада оқып жатыр. – О-о-о, Лондонда деңіз. Жақсы екен. – Ол уже үйленді. Немереміз бар. – Бала-келініңіз елде жүргенде қай тілде оқып еді? Немереңіздің тілі қай тілде шықты? Ол қазір қайда? – Лондонда. Келін – қазақ қызы. Алматыда қазақша оқыған. ҚазҰУ-да шетел тілдерді оқыды. Немерем қазақ садикте жүріп жатыр. Жалпы, ол қазақша сөйлейді. Орысша түсінбейді, айтпайды. Менің күйеуімде «неге орысша білмейді, оған қиын болмайды ма» деген ой болған. Мен айттым: «Қазақша сөйлесе дұрыс. Орысша кейін сөйлеп кетеді ғой. Біздің халық бәрі орысша сөйлейді ғой» (күліп алды – Д.І) – Апай, қандай мақалды жиі айтасыз? – Мен таңғалам, бізде көп адам көп мақал біледі. Мен мақалдар білмеймін... Бізде «үлкенді сыйла» деген дәстүр бар. Ол басқа халықта жоқ. Басқа халыққа қарасаңыз, өздері үлкенді сыйламай, тастап... Шетелде сондай дейді ғой. Ал бізде үлкенді сыйлау сияқты жақсы дәстүрлер бар. – Жақсы. Рақмет! Сау болыңыз! Сұхбаттасқан Д.ІЗТІЛЕУ
7846 рет
көрсетілді0
пікір