• Ақпарат
• 03 Мамыр, 2012

Қоңыр қалам

Республикаға белгілі журналист, «Еңбек ардагері», «Қазақстан Республикасының прокуратурасына – 20 жыл» мерекелік медальдардың иегері, Қазақстанның құрметті журналисі Итен Қарымсақұлының «Қоңыр қалам» атты кітабы жарыққа шықты. Кітап алты бөлімнен тұрады. Бірінші бөлім «Тамыры терең әулетпіз» деп аталады. Онда қаламгер өзінің әулетінен хабар беріп, әке-шешесінің өмір жолдарына үңіліп, үрім-бұтағы туралы сыр шертеді. «Жаныма жақын жандар» бөлімі, өзінің аты айтып тұрғандай, өмірдегі жақын адамдар туралы әңгімелейді. Үшінші, төртінші, бесінші бөлімдер «Заң, ар-ождан, адам», «Толғандырар толғақты ойлар», «Замандастар» деп аталады. Ол бөлімдерден оқырман қауым Итен Қарымсақұлының нағыз журналистік қуатын тани алады. Ал, алтыншы «Мәртебе өсірер мерейлі сөздер» бөлімінде өзінің қаламдас әріптестері Итен Қарымсақұлы туралы сыр шертеді, пікірлерін білдіреді. Қаламгердің мерейтойларына байланысты келіп түскен құттықтаулар мен марапаттаулар да осы бөлімде.