- Ақпарат
- 03 Мамыр, 2012
Қазақ тілі жаңаша оқытуды талап етеді
Абылай хан атындағы Қазақ Халықаралық қатынастар және әлем тілдері университетінде осы оқу орнының және Алматы қаласы тілдерді дамыту, құжаттама және мұрағаттар басқармасының ұйымдастыруымен «Қазақ тілін оқытудың заманауи әдіснамасы: үдеріс, сапа, жетістік» деген тақырыпта ғылыми-практикалық конференция өтті. Онда Алматы қаласы тілдерді дамыту, құжаттама және мұрағаттар басқармасының бөлім бастығы Б.Қалымбетов, Абылай хан атындағы ҚазХҚжӘТУ қазақ филологиясы кафедрасының меңгерушісі, филология ғылымдарының докторы, профессор Қ.Есенова, Н.Назарбаев университетінің профессоры, филология ғылымдарының докторы З.Күзекова, ҚМЭБИ қазақ тілі бағдарламасының үйлестірушісі, филология ғылымдарының докторы З.Ерназарова және басқалар негізгі баяндамалар жасап, медиамәтінді зерделеу, грамматиканы оқыту, студенттің жазу іскерлігін қалыптастыру, орыс тілді аудиторияда қазақ тілін оқытатын кадрлар даярлау мәселелері жөнінде сөз қозғады. Бұдан әрі конференцияға қатысушылар секцияларға бөлініп, белгіленген тақырыптар бойынша өзара тәжірибе алмасты, шеберлік сыныптары өткізілді. Смайыл Базарбай
2573 рет
көрсетілді0
пікір