- Ақпарат
- 10 Мамыр, 2012
Ұлы Жеңіс
Ұлы Жеңіс
(әні бар)
Жақынды, жарды жоқтатқан,
Қырғын селін тоқтатқан,
Сенім, бейнет ақтатқан,
Отанды, елді сақтатқан.
Қайырмасы:
Қан кешіп күткен – Жеңіс!
Жан беріп күткен – Жеңіс!
Тарығып жеткен,
Зарығып жеткен,
Сағынып жеткен – Жеңіс!
Жауды жеңіп жайратқан,
Сан елде бұлбұл сайратқан.
Жерді гүлдей жайнатқан,
Қазанын тойдың қайнатқан.
Қайырмасы:
Қан кешіп күткен – Жеңіс!
Жан беріп күткен – Жеңіс!
Ерлікпен жеткен,
Өрлікпен жеткен,
Бірлікпен жеткен – Жеңіс!
Шаттық тойын тойлатқан,
Бақытқа бойды бойлатқан.
Төрде сәби ойнатқан,
Қадірін күннің ойлатқан.
Қайырмасы:
Қан кешіп күткен – Жеңіс!
Жан беріп күткен – Жеңіс!
Армандап жеткен,
Арайлап жеткен,
Аңсатып жеткен – Жеңіс!
45-тің көктемі
Тыныштыққа сусатып,
Қас дұшпанды жусатып,
Қабырғасын қаусатып,
Жер-дүниені бусантып,
Жеткен сол бір көктем.
Жау ордасын жайратып,
Құстарды қайта сайратып,
Тағдырға ту байлатып,
Елді гүлдей жайнатып,
Жеткен сол бір көктем.
Мөлдіреген көз сырын,
Елжіреген күн нұрын,
Үлбіреген жүз гүлін,
Желбіреген жан жырын
Берген сол бір көктем.
Рухымен жау жеңгізген,
Тарихқа ат енгізген,
Достыққа жан сенгізген,
Өмірге мән бергізген
Пай-пай! Сол бір көктем!
Жұпар
Ақтомпышқызы
Астана
2737 рет
көрсетілді0
пікір