• Ақпарат
• 19 Наурыз, 2013

Екіжақты келісім аясында

Қазақстан Республикасы Құрлық әскерлері Әскери институтының «Бейбітшілік үшін әріптестік» оқу орталығында (КАЗЦЕНТ) Қазақстан Республикасы Қарулы күштерінің бөлімшелерінің әскери қызметшілеріне оқу-жаттығу жұмыстарын  заманауи дәрежеде жүргізуге арналған техникалық құрал-жабдықтарды  салтанатты түрде тапсыру рәсімі өтті. Салтанатты рәсімге Әскери институттың басшылығы мен Қазақстандағы АҚШ елшілігінің өкілдері қатысты. Техникалық құрал-жабдықтарды тапсыру Қазақстан мен АҚШ мемлекеттерінің екіжақты әскери келісімі аясында жүзеге асып отыр.