- Ақпарат
- 08 Ақпан, 2015
«Ислам мемлекетінің» содырлары 16 адамды тірілей өртеп жіберді
«Ислам мемлекетінің» содырлары Мосул қаласында (Ирактың солтүстігі, Бағдадтан 400 шақырым жерде) 16 адамды тірілей өртеп жіберді, деп хабарлады РБК Press TV-ге сілтеме жасап.
Жергілікті өкілдің хабарлауынша, кісі өлтіру өткен жұма күні болған. Адамдарға «Ислам мемлекетінің көшбасшысы әл-Бағдадиге адалдыққа ант беруден бас тартқаны үшін өлімге үкім шығарылды.
Телеарнаның атап өтуінше, жергілікті БАҚ Мосулды «ашық аспан астындағы үлкен түрме» деп бейнелейді, онда тұрғындар әртүрлі азаптар мен қайғы-қасіретке тартылады.
Сол күні Хит қаласында (Бағдадтан 140 шақырым жерде) үш жергілікті тұрғын ирактық қауіпсіздік күштерімен ынтымақтастыққа айыпталып, өлтірілді.
Ақпанның басында ислам лаңкестері оларға тұтқынға түскен иордан ұшқышын тірідей өртеп жіберді. Өлтіру үдерісі көрсетілген бейнекадрлар исламшылардың медиаресурстарында таратылды.
inform.kz
4061 рет
көрсетілді222
пікір