• Ақпарат
• 10 Ақпан, 2009

Мүгедектерді мазақ еткен кім?

Қарағандыдағы «Тірлік» мүгедектер қоғамдық бірлестігінің төрайымы Роза Петрусь жезөкшелікті және жезөкшелердің мүгедектерге жеңілдікпен қызмет көрсетуін заңдастыруды талап етті.

  Ол осындай мәндегі хатын Парламентке, «Нұр Отан» партиясына жолдағанын жеткізді. Алайда «Азаттық» радиосы оның хаты тұнып тұрған плагиат пен пропаганда екенін алға тартады. Ол хатта келтірілген деректер 2007 жылы ВВС-дің сайтында жарияланған мақаладан алынған.  «Қазақстан мүгедектер конфедерациясы» республикалық қоғамдық бірлестігі де бұл жайдан мүлдем хабарсыз болып шықты. Не десек те дағдарыстан дал күйге түскен қоғамның назарын өзіне аударғысы келген төрайым қандай мақсатты көздегені әзірге белгісіз.