- Ақпарат
- 03 Наурыз, 2011
Жылылық. Мейірім...
«Өлмес құлға келді жаз» дегендей көктемге де жеттік. Үш айға созылған қытымыр қысты артқа тастадық. Арқамыздан ауыр жүк түскендей денемізді жеңіл сезінеміз.
Көктем.
Көктем дегеніміз – мейірім, жылы сезім, нұр-сәуле секілді. Табиғат та – дана. Бәрін ойластырған. Қиындықтан кейін жеңілдік болатыны сияқты, қыстан соң көктемді жетелеп әкеліп отыр. Табиғат-құдіреттің мұнысына да мың мәрте алғыс. Жер-дүниені жыл бойы қаһарлы суықтың иелігіне беріп қоймағанына шүкіршілік.Ауада жылылық бар. Көңіл елжірейді. Кәусар тазалықтың лебі кеңсірікті аша түседі. Көктемнің, жаңа күннің, жаңа мезгілдің әсері-ау бұл.
Көктем. Ару. Ана.
Шешелері бір үшем секілді. Үшеуіне де ортақ қасиет – мейірім, жылылық, көркемдік.
Арулар мен аналар мерекесінің көктем айында аталып өтілетіні қандай жақсы! Бір-біріне жарасып тұр, бір-бірінен аумайды.
Бәрі де құтты болсын! Көктемнің келгені де, келе жатқан қыз-келіншектер мерекесі де!
Көктем келді. Енді көп ұзамай-ақ ағаштар бүршік жарады. Жер-ана жасыл көрпе жамылады. Гүл-бәйшешектер бой көтеріп, менмұндалап өзіне тартады. Сөйтіп, біз сұлулықпен, әсемдікпен қауышамыз.
Сұлулық – өмір мәні, өмір сәні.
5081 рет
көрсетілді0
пікір