- Ақпарат
- 31 Мамыр, 2012
АТТЕСТАТТАУ ЖҮРІП ЖАТЫР
Елбасы биылғы жылы «Қазақстан Республикасы құқық қорғау органдарының қызметкерлерін кезектен тыс аттестаттаудан өткізу туралы» Жарлыққа қол қойған болатын. Елбасы Жарлығына сәйкес барлық құқық қорғау органдарының жеке құрамынан 110 мыңға жуық адамды аттестаттаудан өткізу жоспарланып отыр. Аттестаттауды өткізу ережесіне сәйкес, елімізде құрамында 500-ден астам адам болатын 90-нан аса аттестаттау комиссиялары жұмыс істейтін болады.
Құрамына Президент Әкімшілігінің басшысы, Президент Әкімшілігінің Құқық қорғау жүйесі бөлімінің меңгерушісі, хатшысы, Ұлттық қауіпсіздік комитетінің төрағасы, Мемлекеттік қызмет істері агенттігінің төрағасы, Әділет министрі, сондай-ақ бағыныстылары сынақты бастан кешетін ведомстволардың басшылары – Бас прокурор, Қаржы полициясы басшысы, Ішкі істер, Төтенше жағдайлар, Қаржы министрлері кіретін аттестаттау комиссиясы құқық қорғау органдары қызметкерлерінің лайықты бағалануына төрелік етеді.
Ал шараның жариялылығын қамтамасыз ету мақсатында ҚР Президентінің ресми сайтында «Құқық қорғау органдарының қызметкерлерін кезектен тыс аттестаттау» атты арнайы бөлім ашылды. Мұнда аттестаттаудың өту барысы туралы ақпараттар ұсынылмақ. Бұл жұмыстардың да өз мәні мен мағынасы бар. Себебі қоғамда аттестаттаудың шынайылығына күмәнмен қараушылар да бар екені белгілі. Осындай түсінбестіктер болмасы үшін ол мейлінше ашық әрі жария түрде өтіп отыр.
Дәуіржан Төлебаев
2436 рет
көрсетілді0
пікір