- Тіл
- 21 Қазан, 2010
Жаңа кезеңдегі жаңа міндеттер
Орал қаласында «Мемлекеттік тіл саясаты: жаңа кезең мен жаңа міндеттер» атты халықаралық ғылыми-практикалық конференция өтті. Онда жиынға қатысушыларды Батыс Қазақстан облысы әкімінің бірінші орынбасары Нұрлан Ноғаев құттықтады. Облыста мемлекеттік тіл мәселелеріне қатысты іс-шаралар жүйелі жүргізіліп келе жатқанын айтты.
Конференцияның пленарлық және секциялық отырыстарында мемлекеттік тіл проблемаларына байланысты бірнеше баяндамалар тыңдалды. Сондай баяндамалардың бірін Қазақстан Республикасы Мәдениет министрлігі Тіл комитетінің төрағасы Бауыржан Омаров жасады. Комитет төрағасының нақты мысалдар мен тұжырымдарға толы баяндамасын конференцияға қатысушылар қызығушылықпен тыңдады. Бұдан әрі конференцияға қатысушылар мемлекеттік тіл саясатының басым бағыттары, елдегі тілдік жағдай, проблемалық аспектілер мен оның шешу жолдары, ұлттық ономастика мен терминология, қазақ жазуы мен ұлттық әліпби және тіл әдістемесінің өзекті мәселелері жөнінде пікір алмасты. Халықаралық конференцияда қарар қабылданды. Смайыл Базарбай
2427 рет
көрсетілді0
пікір