- Әдебиет
- 31 Мамыр, 2012
АУЫЛЫН АРДАҚТАҒАН
Бір ауылда көз алдымда өскен азаматтың туған жерге жасаған талай жақсылығын естіп-көрген едім. Осыдан жеті-сегіз жыл бұрын Жүрсін Ерманов бастаған айтыскерлерді алғаш ауыл-аудандарға апарған – осы Нұртай Сабильянов бауырымыз еді. Аякөз қаласына әкелген. Шынғожа батыр атындағы туған ауылының жақсылықтары теледидардан көрінуіне ұйытқы болды. Аякөз қаласында бокстан жастар арасында өткен жарысқа демеушілік көрсетті. Бақтияр Артаев пен жаттықтырушысын туған ауылына шақырып, шапан жауып, көлік мінгізді. Осыдан 2-3 жыл бұрын Қайрат Рысқұлбеков рухына арнап бокстан жарыс ұйымдастырып, бас демеушілік көрсетті. Қозы Көрпеш – Баян сұлудың 1500 жылдық тойында да бас демеуші болып, азаматтық танытты. Аякөз қаласының бас мешітін салдыруда демеушілердің алды болып, істі қолға алған азамат та – осы Нұртай. Туған ауылына еңселі Мәдениет үйін қайта салдырып, оны кітаппен, музыкалық аспаптармен қамтамасыз етті. Өзін оқытқан ауыл ұстаздарын өткен жылы Астанаға алдырып, қыдыртты. Анда-санда ауылға барғанда әлгі кісілер осыларды мақтанышпен айтып отырады.
Бұндай азаматқа қандай марапат-мақтау болса да жарасады. Ол Парламент депутаты ретінде де белсенділік көрсетіп, көп көңілінен шығып жүр.
Оның әкесі Салих Сабильянов ақсақал қазір 93-те, Аягөз қаласында тұрады. Ұлы Отан соғысының ардагері.
Ел аманатын арқалаған ер азамат Нұртайдай-ақ болар!
Жаның күйіп Желтоқсанда шыңдалдың,
Бұзылмастай құрсауланған шыңды алдың.
Жауға атылған жебедей ұран салып,
Ақ беренім, армандаған туды алдың!
Туған жерге тамып тұр-ау терің де,
Қозы Көрпеш, Баян да өтті төріңде.
Ақ ниетпен аруларға ас бердің,
Мықты көлік бас бәйгеге бердің де.
Тынбай жүріп сараладың өмірді,
Төккен тердің жемісі де көрінді.
Депутат боп дара шықтың бауырым,
Елбасына серіктес бол сенімді.
Аякөз деп ән салады аймағың,
Аякөз деп жар салады жан-жағың.
Туған жерді бүкіл елге танытқан
Қадірлі ұл қасиетіңнен айналдым.
Қалдыбай ДҮЙСЕНҒАЛИ,
Қазақстан Журналистер
одағының мүшесі
2923 рет
көрсетілді0
пікір