• Ақпарат
• 29 Қараша, 2012

«Университет өмірінің бір айы»

С.Аманжолов атындағы Шығыс Қазақстан мемлекеттік университетінде оқу орнының тыныс-тіршілігінен хабардар ететін «Университет өмірінің бір айы» атты жаңа ақпараттық журнал шыға бастады. «Университет өмірінің бір айы» – университеттің білім беру, мәдени және қоғамдық өмірі туралы ұжымдық жоба болып табылады. Еліміздегі ірі білім беру мекемесінен өзекті және сенімді мәлімет беретін деректік негізі бар журналдың әр санында және электрондық нұсқасында жаңалықтар топтамасы беріліп, университет өміріндегі оқиғаларға қатысты эксклюзивті көзқарастар жарияланады. Журналда елімізге танымал ғалымдар, сондай-ақ оқытушылар мен студенттердің пікірлері мен өзекті мақалалары шығатын болады. Журналдың келесі редакциялық басылымында объективті негізде қарастырылатын әртүрлі өзекті мәселелер мен университеттің өміріне қатысты ақпараттық мәліметтер жарияланып отырады.