- Ақпарат
- 29 Қараша, 2012
«Елбасы – Мақтанышым, Бәйтерегім»
Кеше Ө.Жолдасбеков атындағы Студенттер сарайында Қазақ ұлттық аграрлық университетінің ұйымдастыруымен Қазақстан Республикасы Тұңғыш Президенті күніне арналған «Болашақ кілті – білімде» атты салтанатты шара болып өтті. «Елбасы – Мақтанышым, Бәйтерегім» атты девизімен өткен жиынға зиялы қауым өкілдері, қоғам және мәдениет қайраткерлері, өнер жұлдыздары қатысты.
Сахна төріне еліміздің Туы салтанатты түрде шығарылып, Мемлекеттік Әнұран шырқалды. Мерекелік концерт Құрманғазының «Балбырауын» күйімен ашылып, Елбасына арналған әуезді әндермен жалғасты. Қонақтардың назарына Президентіміздің өмірбаяны негізінде түсірілген көркемсуретті және деректі фильм көрсетіліп, оның сүйікті әндері шырқалды. Университет ректоры, Ұлттық ғылым академиясының академигі Тілектес Есполов құттықтау сөзінде: – Бүгінгі салтанатты шара Қазақстан Республикасы Тұңғыш Президентінің күніне арналып отыр. Еліміз Тәуелсіздік алған 20 жылдың ішінде Елбасының ауқымды экономикалық, саяси-әлеуметтік реформаларының арқасында барша әлемге таныла білді. Халқымыз бұл мерекені үлкен қуанышпен қарсы алып отыр. Біз Президентімізбен мақтанамыз! – деді. Осылайша Елі сүйген, Елін сүйген Елбасының мерекесін тойлау жоғары деңгейде өткізілді.
Дәуіржан Төлебаев4753 рет
көрсетілді0
пікір