- Ақпарат
- 29 Қараша, 2012
Бұл күннің маңызы зор
Қ.И.Сәтбаев атындағы Қазақ ұлттық техникалық университетінде Қазақстанның Тұңғыш Президенті күніне орай «Еңбегім – елім үшін» атты іс-шара болып өтті. Жиналғандарды аталмыш мерекемен құттықтап сөз сөйлеген ректор, академик Жексенбек Әділов: «Біздің мемлекетімізде 1 желтоқсан мереке күні деп аталып отырған себебі – 1991 жылы осы күні Қазақ Кеңестік Социалистік Республикасының Президентін сайлау өткізіліп, Н.Ә.Назарбаев еліміздің Тұңғыш Президенті болып сайланды. Елбасымыз осы 21 жылдың ішінде шынайы мемлекетшіл екенін, халық мүддесін ойлайтындығын еңбегімен дәлелдеп, болашаққа ұмтылған Қазақстан атты елдің ұлы көшін бір белестен бір белеске асырумен келеді» деді өз баяндамасында. Биылғы жылдың 1 желтоқсанында Қазақстан халқы алғаш рет «Тұңғыш Президент күнін» атап өткелі отыр. Бұл біздің еліміз үшін жаңа мереке болып саналғанымен, әлемдік қауымдастық арасында бұрыннан бар. Шарада ҚазҰТУ-дың студенттері Президентіміздің саясаты мен жастарға деген қамқорлығын атап өтті. Жұлдыз Сабыржанқызы
2903 рет
көрсетілді0
пікір