- Ақпарат
- 29 Қараша, 2012
Елбасы және ел мұраты
1 желтоқсан – Тұңғыш Президент күні, мемлекеттік мереке. 1991 жылы дәл осы күні Тәуелсіз Қазақ елінің Тұңғыш Президенті болып Нұрсұлтан Әбішұлы Назарбаев сайланды. Президент болу мансап та, атақ та емес. Бұл дегеніңіз халық сенімін арқалау, елге, халыққа адал қызмет ету. Ел тағдырына жауап беру. Нұрсұлтан Әбішұлы ел тізгінін қолына алғаннан бері халық сенімінен шыға білді. Қазір Қазақстан төрткүл әлемге танымал. Еліміз жыл сайын биік асуларды бағындырып келеді. Бәріне тоқталмай-ақ қоялық, таяудағы үлкен жаңалық – Астананың ЕХРО-2017 халықаралық көрмесін өткізу бақытына ие болғанның өзі не тұрады. Бұл да Елбасының кезекті ерен жеңісі. Қазақстанның қол жеткізген биік белесі. ЕХРО – бүкіләлемдік көрме. Оны өткізу мүмкіндігі оп-оңай берілмейді. Кей елдер мұндай мүмкіндікке өмір бойы ие бола алмайды. Мемлекеттігі мықты, еңселі елдер ғана осы көрмені өткізе алады. Сөз жоқ, бұл көрме Қазақстанды тағы да күллі әлемге паш етеді. Ел қуаныштарында, ел жетістіктерінде Елбасының үлесі ерекше. Олай болса, Тұңғыш Президентімізді ардақтау, мақтаныш ету – халықтық, елдік құрмет.
2597 рет
көрсетілді0
пікір