• Ақпарат
• 07 Желтоқсан, 2012

Мемлекеттік тілді әрбір қазақстандық білуі қажет

1 желтоқсан күні Мемлекет басшысы Нұрсұлтан Назарбаев еліміздің орта оқу орындары мен мектептерінің көшбасшылары­мен кездесті. Астанадағы Ақорда резиденциясында өткен кездесуге Қазақстанның барлық өңірінен келген оқушылар, «Оқушы – көшбасшы» зияткерлік конкурсына қатысушылар, олимпиада жеңімпаздары қатысты. Нұрсұлтан Назарбаев еліміздің жастарына құттықтау сөз арнады.

– Сіздердің қазіргі басты міндеттеріңіз – жақсы білім алу, – деп атап көрсетті Н.Ә.Назарбаев. – Сондықтан мен шетелде мамандар даярлау үшін «Болашақ» бағдарламасы туралы бастама көтердім. Қазіргі кезде 8 мыңнан астам қазақстан­дық шетелде білім алды. Олардың көпші­лігі бүгінде мемлекеттік органдарда жауапты қызметтер атқарады. Бұлар – бірнеше тіл білетін, білімді және даярлықтан өткен мамандар. Ал біздің елімізде қоғамды біріктіру ісінде мемлекеттік тіл ерекше рөл атқарады. Мемлекеттік тілді әрбір қазақстандық білуі қажет. Иә, әйгілі ақын Қадыр Мырза Әлі «Өзге тілдің бәрін біл, өз тіліңді құрметте» дегендей, шет жұрттарда оқып білікті маман болып, бірнеше тілді меңгерсе де әр азаматтың мемлекеттік тілді білуі басты міндетіне айналатынын Елбасымыз нақты нұсқағаны өмір талабынан туындап отырғаны күмәнсіз болса керек. Өйткені алдағы уақытта елімізде барлық мемлекеттік қызмет пен іс-шаралар мемлекеттік тілде болатыны айдан анық. Сондықтан қазірден бастап жастардың бәрі де мемлекеттік тілді меңгеруді өзінің ең басты борышы деп сезінгені жөн. Соған орай оқу-тәрбие жұмыстары мемлекеттік тілді меңгеру бағытын ұстауы тиіс болмақ деп ұғынғанымыз абзал. Қ.Боқаев