• Ақпарат
• 22 Қаңтар, 2009

Төреқұловты төрге шығарды

Сауд Арабиясы қазақтың көрнекті дипломаты Нәзір Төреқұловті еске алып, құрмет көрсете бастады. Бұл туралы Жидда қаласында осы қаладағы Қазақстандық консул Омар Мұстафин мен Сауд арабиясының сыртқы істер министрлігінің Меккедегі төрағасы, елші Мұхаммед Таибпен кездесуінде айтылды. Нәзір Төреқұлов 1928-1932 жылдары Хиджаз қаласында бас консул, 1932-1936 жылдары Кеңес Одағының Сауд Арабиясындағы тұрақты өкілі болған. Қазақстанның Сыртқы істер министрлігінің баспасөз қызметі дипломаттың Сауд Арабия корольдігінің королі Абдель Азизбен достық қарым-қатынасы туралы тарихи очерктері мен қолжазбалары бүгінгі күні екі елдің де саясаттанушыларына бағалы құжаттар деп танылуда екенін айтады.