• Тіл
  • 06 Наурыз, 2009

«Қазақ әдебиеті және мемлекеттік тіл»

anatiliҚазақ баспасөзі тағы бір ғылыми-әдістемелік жаңа басылыммен толықты. Қазақ тілі мен әдебиетін барлық деңгейдегі оқу орындарында оқытуды жетілдіру мен жақсартуға өз үлесін қосуды мақсат еткен «Қазақ әдебиеті және мемлекеттік тіл» журналының алғашқы саны жарық көрді. Ай сайын шығатын басылымның құрылтайшысы – «Қазақ тарихы» ЖШС. Бас редакторы Ә.Салықбай.  Журналдың тұңғыш саны басылым жетекшісінің беташар мақаласымен ашылған. Онда басылымның бет-бағдары, алдағы жоспарлары таратыла талданады. Осыған ілесе танымал әдебиетшілер мен тілші ғалымдар Б.Әбдіғазиұлы, А.Еспенбетов, Ж.Сарбалаев, З.Сіләмбековтің, «Ана тілі» газетінің бас редакторы М.Тәж-Мұраттың ақ тілек, жылы лебіздері мен белгілі ақын Ә.Қайранның жыр шашуы жарияланған. ҚР Мәдениет және ақпарат министрі М.Құл-Мұхаммедтің БАҚ туралы заңға өзгерістер мен толықтырулар енгізуге байланысты «Бұл заңды орындамағандар жазадан құтылмайды» деген мәлімдемесі «Мемлекеттік тіл мәртебесі» айдарына соны серпін мен ерекше әр беріп тұр. Бұл мәселені одан әрі әдіскер-ғалым Қ.Жүнісханова мен ғаламтор беттерінен алынған, Алтай мен Атырау арасындағы қалың елдің мемлекеттік тілді дамыту мақсатындағы іс-әрекеттері туралы хабарлар толықтыра түседі. «Қазақтың көрнекті тілші ғалымдары» айдарымен Қазақ КСР Ғылым академиясының корреспондент мүшесі С.Аманжоловтың өмірі мен ғылыми қызметі баяндалып, ғалымның еңбектерінің тізімі мен оның Қазақстан Компартиясы Орталық Комитетінің сол кездегі хатшылары П.Понамаренкоға, Л.Брежневке қазақ тілінің дамуына жағдай жасауды талап етіп жазған хаттары жарияланған. Басылымның тұңғыш санының мазмұнын С.Қожағұлдың «Өлең–сөздің ажары» атты ғылыми-талдау мақаласы да барынша байыта түскен. Мақалада филолог ғалым ақиық ақындар М.Мақатаев, Т.Айбергенов, Ж.Жақыпбаев, Ә.Қайран өлеңдерінің әрі мен нәрін, ажары мен айшығын, алуан құбылған сиқырын ғылыми-танымдық тұрғыдан талдап-зерттейді.

7265 рет

көрсетілді

1

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Совет-Хан Ғаббасұлы.

13 Тамыз, 2020

"Жоғары оқу орны" түйінді сөзі мен Президентке сұрақ Қадірлі Нұреке, сау-саламатсыз ба ! Ұзақ ғұмыр, денсаулық тілеймін! Ең әуелі қазақ халқының келісімінсіз сатылған жер, ізгілікпен мемлекетке қайтарыла ма? Жиырма жылға созылған мемлекеттік тілдің мазағы тоқталатын уақыт жетті деп ойлайсыз ба? Мен адамзатқа қажет екі бірдей елеулі ғылыми жаңалық ашқан едім: І. "Адам тәрбиесінің жаңа ілімі"; ІІ. "Асқазан операциясының жаңа әдісі" - осы екеуінің де кітаптарын өзіңізге хат жазып, күздің басында жібергенмін, оған ешбір жауап болмады. Соған жауап жіберсеңіз екен. Тағыда бір сөз етпеуге болмайтын мәселе, ол денсаулық саласы. Мен білім беру жүйесіндегі ғылыми негіздері жоқ қателіктерді түзетудің пәрменді жолдарын білем. Бірак оны тек өзіңіздің тікелей бақылауыңызбен іске асыруға болады деп есептеймін. Осы мәселелерді тыңдауға қабылдауыңызды сұраймын. Өйткені, бұл аса өткір әлеуметтік жағдай екені өзіңізге де белгілі ғой. Аса үлкен құрметпен - жазушы-ғалым Совет-Хан Ғаббасов. Авторы: Профессор Совет-Хан Ғаббасов 01.11.2009 20:43

ANA TILI №10

10 Наурыз, 2022

Жүктеу (PDF)

Редактор блогы

Қали Сәрсенбай

«Ана тілі» газетінің Бас редакторы