- Тіл
- 19 Мамыр, 2022
«TIJI» ТЕЛЕАРНАСЫ ҚАЗАҚША СӨЙЛЕЙДІ
ҚР Ақпарат және қоғамдық даму министрі Асқар Омаровтың қатысуымен «TiJi» балалар телеарнасының қазақ тіліндегі аудиожолағы таныстырылды.
Іс-шараға «Groupe M6» компаниясының телеарналар мен радиостанциялар портфелін халықаралық дистрибуциялау жөніндегі директоры Жан-Рене Окутюрье, «Лти Восток» ЖШС бас директоры, Халықаралық дистрибуция жөніндегі директор Мария Жабина-Пантелик және Қазақстан Республикасындағы Франция елшілігінің кеңесшісі Алекс Бортолан қатысты.
Кездесуде Асқар Омаров Мемлекет басшысы Қасым-Жомарт Тоқаевтың 2022 жылды «Балалар жылы» деп жариялағанын атап өтіп:
«Қазіргі ақпараттық ғасырда балалардың қарым-қатынас ортасын қалыптастыруда мультфильмдердің ықпалы зор. Осыған байланысты Министрлік әлемге танымал мультипликациялық балалар арналарын қазақ тіліне аудару бойынша ауқымды жобаны іске асыруда. Бұл балалардың мемлекеттік тілге деген қызығушылығын арттыруға, сондай-ақ өскелең ұрпақты тәрбиелеуге септігін тигізетініне сенімдімін», – деді.
«Қазақ тілі – өте бай тіл. Оны насихаттау мақсатында қазақстандық балалар үшін арна құруға және қазақ балаларына олардың мемлекеттік тілінің дамуына ықпал ететін ойын-сауық және білім беру контентін қалыптастыру бойынша бірлескен бұл жоба – бізді осынау игі іске ынталандырды», – деді іс-шарада Жан-Рене Окутюрье.
Қазақ тіліндегі «TiJi» аудиожолағын Алма ТВ, TV Commerce, Қазақтелеком, Фермата ПРК, Қайнар Медиа (Талдықорған қаласы), Тералайн (Нұр-Сұлтан қаласы), ТТК (Теміртау қаласы) операторларынан көруге болады.
А.ҰЛТАНБЕКОВА
2353 рет
көрсетілді0
пікір